(ДЛЯ СВЯЩЕННОСЛУЖИТЕЛЕЙ И ИСПОВЕДУЮЩИХСЯ)
(Молитвы на сон грядущим)
Исповедаю Тебе, Господу Богу моему и Творцу, во Святей Троице единому, славимому и покланяемому Отцу и Сыну и Святому Духу вся моя грехи, яже содеях во вся дни живота моего и на всякий час, и в настоящее время, и в прошедшия дни и нощи, делом, словом, помышлением, объядением, пиянством, тайноядением, празднословием, унынием, леностию, прекословием, непослушанием, оклеветанием, осуждением, небрежением, самолюбием, многостяжанием, хищением, неправдоглаголанием, скверноприбытчеством, мшелоимством, ревнованием, завистью, гневом, памятозлобием, ненавистью, лихоимством и всеми моими чувствы: зрением, слухом, обонянием, вкусом, осязанием и прочими моими грехи душевными вкупе и телесными, имиже Тебе Бога моего и Творца прогневах и ближняго моего онеправдовах; о сих жалея, винна себе Тебе, Богу моему, представляю и имею волю каятися; точию, Господи Боже мой, помози ми, со слезами смиренно молю Тя; прешедшая же согрешения моя милосердием Твоим прости ми и разреши от всех сих, яже изглаголах пред Тобою, яко Благ и Человеколюбец.
© 2001—2005. Православна беседа, русская версия. Перепечатка материалов разрешена при условии указания ссылки на автора, название и адрес сайта pravoslavie.domainbg.com/rus. Если Вы хотите получать известия о новых поступлениях на нашем сайте, напишите нам по адресу pravb(@)bulpost(.)net (вводя адрес удалите скобки), а в поле subject напишите SUBSCRIBE-RUS.